GBKP Klasis Jakarta - Bandung

Liturgi Pekan-pekan

Download-Files PDF

 

Cara membuat Skype di Laptop - Computer

Artikel

CARA MEMBUAT SKYPE DI LAPTOP
Oleh: Pdt.S.Brahman,S.Th, MA

(1) Buatlah Email terlebih dahulu bagi yang belum mempunyai email (untuk membuat E-mail klik disini)
(2) Instal Software “Skype” (klik disini bagi yang belum mempunyai sofware “Skype”). Pada saat menginstal dapat memilih bahasa yang ingin dipergunakan.
(3) Setelah selesai proses menginstal, lihat di desktop icon “Skype” lalu di klik, muncul gambar di bawah ini.

 

UCAPAN SELAMAT NATAL GBKP KLASIS JAKARTA-BANDUNG

Natal Klasis 2012

BP. GBKP KLASIS JAKARTA-BANDUNG

 Nehken

SELAMAT NATAL
25 - 26 Desember 2014


Ras


NGALO-NGALO TAHUN BARU
01 Januari 2015

“Kata e enggo jadi manusia, janah Ia ringan i tengah-tengahta.
Enggo idah kami kemulianNa si mbelin,
e me kemulian si ibereken Dibata man baNa erkiteken Ia Anak Dibata si Tonggal.
Anak e encidahken lias ate ras kai si benar kerna Bapa e”
(Yohanes 1:14)

BP-KLASIS-2014-xxx-1

BP. GBKP KLASIS JAKARTA-BANDUNG
PERIODE 2010 - 2015
------------------------------------------------------------------------
Ketua: Pdt. Sabar S. Brahmana, S.Th, MA;
Kabid. Koinonia: Pdt. Andreas Josep Tarigan, M.Div
Kabid. Marturia: Pt. Hendri Sembiring, SH, M.Si; Kabid. Diakoni: Dk. Ferdinand M. Sinuhaji
Sekretaris: Pdt. Iswan Ginting Manik, M.Div; Wkl. Sekretaris: Pt. Eddy T. Keliat
Bendahara: Pt. Tjanta Sinulingga       

Pegawai:
Rosanni Br Bangun; Jupiyanti Tarsika Br Tarigan

   

Pekan Doa Sedoni wari VII, Ogen Jop 42:9-11

Renungan

Invocatio :
Erkiteken sie sitatang-tatangenlah janah si sampat-sampatenlah kam bagi si sangana ibahan kami genduari e (1 Tesalonika 5:11)

Tema :
Aron Dibata Si Ngkuhi Keriahen
 
I. Kata Perlebe
Sada keriahen kel man banta anak-anak Tuhan adi ngasup kita sada ras sidebanna sipengejapen ibas kegeluhenta. Selaku sada rarasen ibas Kula ni Kristus tentu kerina kita enda enggo jadi sada aron Dibata si ertanggung jawab guna ikut muat bagin ibas ndahiken pendahin Dibata. Ibas senang, ras-ras nggejabkensa, ibas susah ras-ras ngenanamisa. Tentu enda me sijadi arapen Tuhan ibas kita idiloNa jadi rarasenNa. Bagi lagu si mpersingeti kita "suindu jadi suingku, suingku jadi suindu". Persadan si sepenggejapen. Terlebih adi kegeluhenta enda setia ras benar iadepen Dibata ibas kerina situasi ras kondisinta. Tentu e jadi kesaksin si tuhu-tuhu ngkuhi keriahen selaku aron Dibata. Kita ibabai ngidah perdalanen kegeluhen kiniteken Jop si setia ras nggejapken pendahin Dibata ibas geluhna. Si ulihna ndatken keriahen situhu-tuhu ibas Dibata nari.
 
II. Mpebagesi Ogen.
Kitab Jop enda eme sada bagin kesaksin kerna kegeluhen Jop. Janah struktur kitab Jop enda ibagi kubas telu bagin: bagin sipemena eme jadi bagin pembuka, tentang kesejahteraan Jop ras kniseran Jop (1-2) bagin peduaken em jadi bagin isi kerna diskusi kerna kiniseran Jop ras pandangen teman-teman Jop kerna kiniseran Jop (3-42:6). Bagin peteluken eme bagin ibas ogenta sendah, eme bagin penutup si ncidahken uga pembelaan Jop pemulihen keadaan Jop (42:7-17). Tentu struktur enda perlu sieteh erkiteken akhir cerita geluh Jop (ogen) jadi sada rangkaian ibas bindu sipemena nari. Kitab Jop eme kitab sincidahken man pembacana maka kalak bujur (saleh) banci saja ndatken kiniseran ibas geluhna.
 
Jop eme sekalak si benar i adepen Tuhan. Ia termasuk salah sada kalak melala erta kinibayakenna ibas kutana (daerah Timur, daerah Edom). Tapi Kegeluhen Jop berubah erkiteken erbage-bage kiniseran si ngkernepken kerina ertana (erkiteken percubaan Iblis ; Jop1,2). Anak-anak Jop pe kerina mate. Teman-temanna, keluargana bahken ndeharana pe nalahken ia. Perubahen kegeluhen Jop jadi kalak si ikenai kiniseran jadi perbeben tuhu-tuhu baik e man teman-teman ras keluargana, bahken man Jop sendiri. Teman-temanna, keluarga ras Jop sendiri ndarami jawapen atas kai siterjadi e.
Bagin sijadi renungenta ibas wari enda eme bagin jawapen kerna persoalen kiniseran si inanami sekalak manusia si benar. Jawapen enda labo ijumpai ibas pemikiren teologis paksa si e(pemikiren teman-teman Jop), tapi erkiteken sada perjumpaan Jop ras Dibata ntah pe erkiteken penandai Jop kerna pendahin Dibata ibas kiniseran si inanamina. Janah erkiteken Tuhan ngidah kesetian Jop man Tuhan (termasuk kesadaren Jop maka pemetehna kerna Dibata terjeng kai si ibelasken kalak ngenca, ayat 5). Perdebaten siterjadi kerna kiniseran Job i selesaiken ibas bagin penutup kitab Jop (ayat 7-17).
 
ayat 9, kai sinilakoken Elipas, Bildat ras Sopar enda erkiteken penuruh Tuhan. Tuhan ncidahken man teman-teman Jop si telu kalak e (pendapat Elihu kemungkinen besar dianggap benar sehingga Elihu tidak disebutkan dalam ayat ini), maka pemahamenna selama enda kerna Jop salah. Terkhusus pe pemahamanen kerna rencana Tuhan. Sinipahami teman-teman Jop si ikateken Tuhan jadi kesalahen Elipas, Bildat ras Sopar:
1. Elipas, Bildat ras Sopar ngajarken kerna teologi kemakmuren ras teologi penderitaan. Isehkenna maka enda bali ras balas jasa, hukum tabur tuai (band. Ul.11: tentang kutuk dan berkat). Kalak si benar saja nge lalap ipasu-pasu Tuhan. Janah kalak sijahat (fasik) ndatken kemalangen. Banci si bandingken ras kai si ikataken Jesus ibas Johanes 9:3,-kalak pentang (ndat kemalangen) labo erkiteken dosana tapi gelah teridah kuasa Dibata ibas geluhna. Tapi ijenda Tuhan make kalak si benar guna ncidahken kuasa ras pendahinNa.

2. Elipas, Bildat ras Sopar nuruh Jop ngakui dosana, si labo pernah akap Jop ilakokenna (Jop 2:10). Erkiteken menurut teman-teman Jop, enda arus ilakoken Jop gelah banci Jop mulihken ipasu-pasu Tuhan. Alu pedah enda maka teman-temanna ncobai Jop guna mpergunaken gelar Dibata gelah ndatken keuntungen pribadi (hanya untuk mencari berkat bukan dekat dengan pemberi berkat). Maka adi iikutken Job kai sinikataken teman-temanna, Jop ncedai kiniteken Dibata man Jop selaku kalak sibenar. Tole pe enda menguatken tuduhen iblis maka Jop mbiar man Dibata hanya erkiteken pasu-pasu si idatna ibas Tuhan nari.

3. Elipas, Bildat ras Sopar ngerana alu nganggap benar kerina si iturikenna man Jop. Sada persada teman-temanna reh guna mereken pendapat sijadi perdebaten kerna penyebab kiniseran si nderpa kegeluhen Jop. Teman-teman Jop meyakini maka kiniseran sireh man Jop erkiteken dosa-dosa si ilakoken Jop (kemungkinen dosa si lateridah).

Erkiteken icidahken Tuhan kesalahenna e, maka Tuhan nuruh Elipas, Bildat ras Sopar gelah mereken persembahen tutungen guna mbersihken dirina arah pertoton Jop (ayat 8). Pertoton Jop idengehken Tuhan kerna Elipas, Bildat ras Sopar. Enda merupaken sada bukti litna perdamen antara Dibata, Jop ras teman-temanna. Ibas ayat 9 enda pe ncidahken maka secara kerohanian Jop enggo ipulihken. Erkiteken Jop nge si ipake Tuhan guna notoken teman-temanna.
Ayat 10: pemulihen kegeluhen Jop.
Pemulihen kegeluhen Jop ncidahken rencana Tuhan ibas kegeluhen kalak si setia ras tek nangdangi Dibata. Dibata terkadang mereken kiniseran terjadi ibas kegeluhen kalak si benar. Tapi labo ertina Tuhan mereken hukumen, tapi guna ncidahken kuasa Dibata nangdangi kerina tinepaNa. Ibas keadaan si ugapa pe Tuhan banci erdahin. Ibas keadaan siugapa pe beratna Tuhan tetap banci nge mpehulisa. Kai si inanami Jop, kiniseran kerna kebenen erta-ertana, anak-anakna, keluarga ras teman-temanna nadingken ras nalahken ia, bahken ia sendiri kena pinakit si mekelek. Enda kerina ipulihken Dibata erkiteken Jop tetap setia man Dibata janah lit sada pengakun (pertobaten) ibas Jop kerna pemahamen ras penandaina kerna Dibata (Jop 42:1-6).

Ayat 10 enda pe ncatat maka kegeluhen Jop mulihken man bana, erta kinibayekenna mulih bahken duakali lipat asa sope ia ngenanami kiniseran. La ngenca erta kinibayeken, anak Jop pe lit pitu kalak dilaki janah telu kalak diberu. Janah sebelang-belang negeri e, anak-anak Jop e si jilena ( ayat 12-15). Perdamen antara Jop ras Dibata, janah pemulihen kegeluhen Jop ncidahken maka kiniseran ntah pinakit simekelek si ialami kalak benar, maka ibas paksana Tuhan pasti erdahin guna mereken kemalemen/ pemulihen si tuhu-tuhu. Tentu arah ayat enda pe nuriken maka kalak si tetap setia ras nggit ngangkai rencana Tuhan ibas kiniseran (pencoban) geluhna akhirna pasti banci ngenanami keriahen ukur si tetap ibas Tuhan nari.

Ayat 11, bagin si ncidahken maka kerina si mbarenda nadingken ras menghakimi Jop reh mulihken. Tentu enda sada bentuk pendamaian Jop ras keluargana rikutken ras teman-temanna. Teridah perubahen cara pandang/rukur keluarga ras teman-teman Job kerna kiniseran Jop. Keluarga ras teman-teman Jop ncidahken kepedulinna man Jop. Ibas situasi kegeluhen Jop e reh ia ndahi Jop guna mereken kata pergegeh. La terjeng sie ngenca kerina ia nampati Jop alu mereken duit ras cincin emas. Ras man-man ia kerina i rumah Jop. Teridah enggo lit mulihi kiniersadaan ibas jabu Jop. Kiniersadan enda me ncidahken kegeluhen Jop ras keluarga bagepe teman-temanna si sampat-sampaten (aminna pe keluarga ras teman-teman Jop pernah nadingken ras nalahken Jop). Arah kerehen keluarga ras teman-teman Jop enda tentu jadi bukti maka lit sada keriahen si mbelin ibas kegeluhen Jop. Ia pe mulihi ndatken erta kinibayaken ras kinihaganna. Ikuhi alu kehadiren keluarga ras teman-temanna nampati Jop.
 
III. Pengkenaina.
Titik balik kegeluhen Jop eme kenca ia ngakuken maka Dibata ngasupp ngelakoken kai pe sue ras sura-suraNa. Jop ngakuken maka penandaiina Dibata hanay sebatas kai sinibegina ibas kalak nari. Tapi iakui Jop maka tuhu-tuhu enggo itandaina Tuhan arah kiniseran si enggo inanamina. Enda me si erbahanca cara penandai Jop berubaha nangdangi Tuhan. Jop erdame ras Dibata kegeluhenna pe ipulihken Tuhan. Jop lanai mpersoalken kiniseran sir eh kubas geluhan tapi enggo banci ia ngidah pendahin Dibata ibas perdalanen kegeluhenna secara mata kinitekenna. Kenca si e Tuhan mereken kesempaten man Jop guna erdame ras teman-temanna si enggo nalahken Jop. Jop notoken teman-temanna bagi si isuruh Tuhan.

Kai sijadi pertoton Jop guna temanna si telu kalak e ibegiken Dibata. Teridah maka Jop secara kiniteken (kerohanian) pe ipulihken Dibata. Ia percayaken Tuhan guna pendoa man teman-temanna. Kenca sie kegeluhen Jop mulihken berubah, bahken kinibayakenna ibereken Dibata dua kalilipat asa sope ia ndatken kiniseran. Kai si enggo mbarenda bene ibas Jop nari mulihken man ia. Keluargana, teman-temanna si mbarenda enggo nadingken ia mulihken reh. Janah la terjeng reh ngenca tapi ikut muat bagin guna nampati Jop. Mereken pergegeh janah mereken duit ras cincin emas.

Perenungen:
1. Kerina kalak si tetap setia man Tuhan ibas kiniseran/pinakit maka ia nge singenanami kemalemen ate si tuhu-tuhu sirehna ibas Dibata nari (bnd. Jak.1:12). Nggejapken rencana Tuhan ibalik kiniseran si terjadi ibas geluhta tentu jadi sada pelajaren si meherga. Paguh erkiniteken man Tuhan ibas kerina situasi (Plp.4:13). La pang nadingken Tuhan. Erkiteken Tuhan nge si erkuasa nangdangi geluhta. (1 Pet.5:10-11). Janah arus si inget maka Dibata tetap erdahin guna kiniulin kalak si erkeleng ate man baNa (Rom.8:28).
2. Selaku kalak si erkiniteken kita la pedas muat keputusen ntah mereken pendapat adi lit kita, temanta ntah keluarganta ndatken perbeben/kiniseran/pinakit e erkiteken dosana. (bnd. Jak.4:11-12). Tapi ibereken pemahamen arah perdalanen geluh Jop enda, maka Tuhan ncidahken kuasaNa ibas kerina situasi ras keadaan sue ras sura-suraNa.
3. Sue ras temata wari enda " Aron Dibata Singkuhi Keriahen"
Aron eme sada bentuk kerjasama si jadi konsep kegeluhen kalak Karo ibas sisampat-sampaten. Aron eme sada pandangen kalak karo labo saja ibas ndahiken pendahin i juma, tapi pe sada kegiaten/ dahin sinilakoken radu ras (secara bersama-sama) /gotong royong. Arah pengertin enda banci siidah dua hal, sipemena: Jop eme aron Dibata singkuhi keriahen Dibata. Erkiteken selaku kalak sibenar Jop tetap nge setia kempak Tuhan. Jop bagin anak Dibata/ sijadi saksi Dibata, si nggeluh benar labo erkiteken hanya ndatken pasu-pasu Dibata guna kesenangen geluhna. Tapi erkiteken ia erkemalangen man Dibata. Pusat kinitekenna labo pasu-pasu Tuhan tapi kempak Tuhan si mere pasu-pasu. Sipeduaken, jadi keriahen man Job erkiteken perbahanen Dibata ibas mereken ulihi erta ras memulihken keadaan geluhna. Keriahen sinibereken Dibata e kuh ibahan Dibata alu kehadiren keluarga ras teman-teman Jop. Kerina jadi sada aron guna ngkuhi keriahen Jop. Erkiteken kerina ia ersada guna mengubah cara pandangna kerna geluh Jop. Kerina reh ndahi Jop, guna ikut nggejapken kai si enggo terjadi ibas geluh Jop. La terjeng reh ras man-man, tapi kerina ia ibas keriahen ukur guna nampati Jop. Tentu enda jadi pengajuk man kerina ngawan perpulungen gelah selaku aron Dibata, kita kerina jadi min saksi ibas kegeluhenta guna ngkuhi keriahen temanta. Labo saja ibas ia keriahen ukur tapi pe ibas paksa kesusahen. Kita arus tetap jadi keluarga, bagepe jadi teman ibs kerina situasi. Kita enggo jadi aron Dibata guna ras-ras ndahiken dahin Dibata. Terlebih guna ncidahken kekelengen sada ras sidebanna (Gal. 6:2). Bagi ibas invocation-ta 1 Tesalonika 5:11, "sitatang-tatangenlah janah sisampat-sampatenlah". Kita iarapken jadi aron Dibata si banci mereken motivasi ras semangat baik arah pengerana si benar (tidak menghakimi) ras bagepe nampati arah kinilitenna (erta/talenta). Jadi keriahen min man banta adi banci kita nampati teman/keluarganta terlebih ibas keadaan keguluten geluhna.
Alu bage tentu Dibatanta dem keriahenNa natap kita selaku aronNa. Ibas kita nggeluh sikeleng-kelengen, setia ras benar bagi singena ateNa. Amin.


Pdt. Nopritawati Br Kembaren, S. Th
GBKP Perpulungen Banjarmasin

 

 

Suplemen PJJ Tanggal 31 Juli- 06 Agustus 2016, Ogen Bilangen 3:5-10

Renungan

Nats    : Bilangen 3:5-10
Thema    : Njaga Kebadian Perkakas Rumah Pertoton
 
 
1. Bulan Agustus eme bulan perawaten inventaris Gereja, jana biasana ilakoken ibas minggu si pertama bas bulan e. Janah ope denga tahun 2000, maka setiap minggu inventari, ilakoken pepulung dana. Lit deba banna lelang-lelang, lit deba hanya pesembahen kulebe. Hal enda ilakoken eme untuk menanggulangi/ngelitken/ngurus inventaris gerejanta ibas ingan masing-masing. Tapi kenca tahun 2000, maka pepulung dana enda lanai icantumken bas program gerejanta sebab enggo ibahan pos persembahen tahunen. Namun bas Almanak lalap ibahan ije minggu inventaris, aminna gia sifatna pemberitahuan/mengingatkan kita. Lanai ban pepulung dana.

Hal enda ilakoken gerejanta maka tetap siinget guna ngelitken ras ngerawat inventaris e sada tanggung jawab bersama-sama sabab labo lit sipehuli gerejanta adina la kin kita sipehulisa, ula kal arapken kalak si deban ngerawat ras ngelitken inventaris gerejanta, harus kita asa ngasup ras gegehta lit maka sirawat si enggo lit, janag si usahaken si lenga lit. Maka radu ras kita pehuli ras ngelitkenca, ula timai kalak, kai banci si ban harus si ban guna kiniulin rumah Tuhan.
 
2. Bangsa Israel lenga seh i taneh perjanjian, tapi Dibata enggo ngangkat Imam, ras Dibata nuruh umatNa guna membangun kemah perjumpan, ras kerina alat-alat sini ibutuhken ingan e (Bil 2:2). Mbangun ingan e eme guna ingan pulung bage pe ersembah man Dibata, bage pe guna erdahin bas ingan e eme kelompok Imam-imam, gelah ibabaina umat enda erkemalengen man Dibata

Kalak Lewi si la dat bagin taneh, itugasken guna nampati Imam Harun. Enggo jelas iaturken Dibata kai dahinna, si idah ibahanta enda :
a.    Nampati Imam Harun
b.    Ngurus kerina alat-alat si lit ibas kemah e
c.    Ia ertanggung jawab nampati Harun ras anak-anakna
d.    Harun ras anak-anakna, ndahiken dahin ke imamen saja
Enda me tugas-tugas, lit si ngurus kemah/ingan jumpa, ngerawat, bagepe lit ka si ndahi pendahin ke imamen. Tentuna la ka bo terlepas ibas penampat umat nari. Aminna gia enggo itentuken kerina si ertanggung jawab maka kerina nge ikut ibas ngatur ras ngurus kemah ingan perjumpan bage pe ersembah man baNa.
 
3. Minggu/bulan enda eme perawaten inventaris Gereja. Aminna gia enggo lit Pdt, Pt/Dkn bage pe enggo lit bagin-baginna kerina singaturkenca, tentuna labo terlepas man banta kerina jemaat harus ngidah kuga kita berpartisipasi guna ngaturken ras ngurus rumah pertoton/gerejanta, emaka iarapken maka kerinalah kita si bertanggung jawab lako membangun ras merawat. Ertina si lenga lit si memang perlu, harus i litken janah si enggo lit harus irawat alu mehuli gelah barang-barang e awet.

Sebab megati si idah baik i kota bagepe i kuta, membangun, ngelitken barang-barang la si akap mesera. Tapi ibas ngerawatsa e mesera siakap, emaka megati barang-barang e cedan aminna gia lenga ndekah i pake. Gereja halemenna jorok, ruangenna pe bage ka, mimbar erabu-abu, kamar persikapen pe melket apai ka kamar mandina/toilet. Megati kita sendiri pe malas natapsa. Sampa ija ije berseraken. Abu-abu pe melala dengan si baba arah selop ras sepatunta. Megati ulin si rawat rumahta asangken rumah pertotonta.
 
4. Arah teks Alkitabta ndai maka kita harus natap uga Dibata nuruh Musa gelah iaturkenna kerina umat e baik pejabat bage pe umat gelah ikut ertanggung jawab lako pekena-kena rumah Tuhan/kemah. Kita pe bage, harus ertanggung jawablah kita kerina (Pdt,Pt,Dkn, jemaat) guna pekena-kena rumah gerejanta. Kita merasa kurang enak badan min adina si idah rumah gerejanta jorok, emaka adi lit si idah jorok, mis lah sibersihken. Ula timai kalak si deban. Kai banci si ban, si ban lah.

Apa yang saya buat kebaikan/keindahan hari ini, lakukanlah. Jangan tunggu hari esok. Sebab erbahan simehuli/indah e me njawaben kiniteken si nyata. Dibata pe la kap na mehuli adi rumahNa e ikotori. Bagi Yesus mpelawes kalak si erbinaga i rumah pertoton (Mat 21:12-17). Emaka mari KAKR ras guruna, Permata, Moria, Mamre bagepe lansia, si pesikap kal gerejanta, ula mbangun ngenca sigegehi tapi ngerawatsa la diateta.
 
Salam
Pdt. A. Brahmana
081317054961
   

Page 3 of 131