Suplemen Bahan PJJ 28 April - 4 Mei 2013

Renungan

Suplemen PJJ 28 April – 4 Mei 2013

 


Bahan : Matius 28:16-20

Thema : “Laweslah, Jenari Beritaken Berita Keselamaten”

-            Gelah ngawan perpulungen meteh kerna pedah Meritaken Berita Simeriah (Amanat Agung)

-            Gelah ngawan perpulungen nggit njadiken kerina jelma jadi ajar-ajar Tuhan Yesus arah meritaken Berita Simeriah

Matius 28:16-20

28:16 Ajar-ajar si sepuluh sada kalak lawes ku uruk i Galilea, ku ingan si enggo ikataken Jesus man bana.

28:17 Asum idah ajar-ajar e Jesus, isembahna Ia, aminna gia piga-piga kalak ibas ia sangsi.

28:18 Ideheri Jesus ajar-ajar, jenari nina, "Enggo ibereken Dibata man bangKu kerina kuasa i Surga ras i doni.

28:19 Laweslah ku kerina bangsa manusia, bahanlah ia jadi ajar-ajarKu: Peridiken ia ibas gelar Bapa, gelar Anak, ras gelar Kesah Si Badia,

28:20 janah ajari ia ngikutken kerina si enggo Kupedahken man bandu. Janah ingetlah! Aku tetap kap ras kam seh ku kedungen jaman."

Perlebe

Sope denga Yesus nangkih ku Surga ipesehNa “Amanat Agung” man murid-muridNa. Amanat Agung enda labo terjeng man murid-murid paksa sie, tapi ibas paksa/jamanta gundari Amanat Agung enda tetap berlaku eme nandangi kerina kalak si tek man baNa. Amanat enda jadi tanggung jawab gereja guna ngelakoken pendahin si “mulia” eme njadiken kerina bangsa jadi ajar-ajarNa. Pengertin enda tentu njadiken gereja ngelakoken pendahin “missi” meritaken berita simeriah.

 

Adi sirenungken kerna pertumbuhen gereja selaku pengemban Missi Amanat Agung, megati siidah ras pe sirasaken erbage perdebaten jadi : Lanai perlu ilakoken (sebab enggo kerina kalak erkiniteken/eragama), atau adi ilakoken enda tanggung jawab Si erjabaten saja (Pdt, Pt, Dk) atau bahkan siakap terjeng bagin PI saja, entah pe si lit talentana saja, atau mungkin si lanai lit dahinna (enggo pensiun) emaka ngelakoken dahin Pekabaren Injil. Tentu adi sinen kesaksin Pustaka Sibadia, dahin enda jadi tugas gereja (kerina kalak sitek) ibas kerina situasi ras kondisina. Jadi, dahin Meritaken Injil jadi “kewajiben” man kalak sitek ibas geluhna.

Adi sinen perkembangen gerejanta, gia enggo berkembang tapi melala denga si perlu ipekena. Subuk e pengertin kerna penginjilen bagepe kerna uga wadah silit (gereja = persadaan) banci jadi media penginjilen eme jadi daya tarik man kalak sideban guna mpelajarisa bagepe mengketisa. Adi sinen data GBKP enda maka pertumbuhen anggota jemaatta ibas bagin pertumbuhen “keturunen”. Ertina pertambahan anggota terjeng ketubuhen selaku warga gereja GBKP (erkiteken orang tua anggota GBKP emaka anakna jadi anggota GBKP). Gia labo terpungkiri kita GBKP selaku gereja Suku (Karo) tapi ia tetap nge gereja Universal (berlaku man kerina jelma : sue ras Tata Gereja GBKP). Sienda pe banci jadi indikasi maka langa bo gerejanta jadi “daya tarik” nandangi kalak sideban.

Arah gambaren enda banci sirenungken guna mulihi memaknai kerna Amanat Agung Tuhan Yesus ibas jamanta enda seh maka dahin Meritaken Berita Simeriah banci erburak mulihi ibas kinitekenta.

Matius 28:16-20

Adi sipergermetken bahan enda lit penekanen sibanci sipelajari ibas amanat Agung Tuhan Yesus :

  1. Pengakun kerna Yesus Simada Kuasa : I doni bagepe i surga. Pengertin enda ibas erti pekabaren Injil arus siertiken maka si nuruh kita ndahiken Missi enda eme Yesus Kristus sierkuasa[1]. Tole pe siertiken maka ibas kita enggo ngakuken Ia jadi Juruselamatta maka Missi enda jadi “MissiDei”[2]. Tugasta eme ngelakoken kai siiperintahkenNa.
  2. Laweslah....Bahanlah....jadi ajar-ajarKu. Ibas ayat enda siidah dahin (Missi) siman dahinken eme nehken berita simeriah man kalak sideban (kerina bangsa) jenari jadiken/bahan jadi ajar-ajarNa. Erti sederhana nuduhken man banta selaku kalak sierkiniteken labo banci pasif, entahpe la siakap tanggung jawabta meritaken berita simeriah. Ula min kita merasa “nyaman di zona aman” selaku kalak sitek. Tapi Kekristenen arus teridah nandangi kalak sideban. Ula min kita mela ncidahken jati diri selaku kalak sitek ibas kerina dampar geluhta (inganta erdahin, masyarakat) atau “mbiar” nuduhken kekristenenta erkiteken lit resiko si bakal sihadapi erkiteken sie, tapi “ndaratlah” ibas “tembok kekristenenta” seh maka iidah ras ieteh kalak berita e eme berita simeriah[3]. Njadiken kalak sideban jadi ajar-ajar Tuhan tentu labo ibas erti ipaksaken tapi arus ibas erti “imuridken”. Ertina adi Berita Simeriah e jadi “meriah akap kalak sideban” jenari menarik tentu jadi tanggung jawabta seh maka ia jadi murid situtus si la terjeng datana ngenca Kristen tapi labo idalankenna kekristenen e alu payo.
  3. Peridiken ...... Ajari .... Fokus ibas Amanat Agung eme njadiken kerina kalak jadi Murid Tuhan Yesus. Njadiken Murid tentu arus lit proses pelajaren siipeseh guna seh paksana lit pengakunna guna jadi Ajar-ajar Tuhan Yesus. Erbage pandangen banci saja turah : peridiken lebe emaka ajari ia, ajari lebe emaka iperidiken... rsd. Sienda labo man perdebatenta sebab sipenting pengajaren/pemuriden e la banci la lit. Peridin enda jadi simbol kerna kiniersadaan ras Kristus, pematraian hak KinirajanNa, Pertobatan, rsd labo ibas erti Menyelamatken[4].
  4. Aku tetap ras kam seh kedungen jaman. Ayat enda nuduhken kerna keleng ate Dibata ibas nehken Amanat Agung e maka labo ipediatna kalak sindalanken Missi e erdalan si sada atau gagal erkiteken mengandalken diri sendiri, tapi penemaniNa seh banci idalanken Missi enda. Sienda pe mabai kita kubas “kemegahen” ukur maka lit nge sinampati, simpengasup kita ndahiken dahin e, gia uga beratna, ras susahna ndahiken dahin e, adi Tuhan tetap ras kita maka kerinana banci idahiken alu mehuli.

Pdt. Alexander. S. S.Th

GBKP Bekasi – Galaxy

081384498009/087777100076 / This e-mail address is being protected from spambots. You need JavaScript enabled to view it



Kata “misi” atau “mission (Inggris)” berasal dari kata Latin “missio” yang diangkat dari kata “mittere”, merupakan terjemahan dari kata Yunani “apostello”, yang artinya “mengirim” atau “mengutus”. Secara umum kata misi bisa merujuk pada pengutusan seseorang dengan tujuan khusus, misalnya misi kesenian, misi budaya, dan lain-lain. Dalam konteks kekristenan, misi dipahami dalam arti pengiriman atau pengutusan gereja ke dalam dunia, khususnya melalui sekelompok pekerja yang disebut misionaris untuk menjangkau orang-orang kepada Kristus sebagai Tuhan dan Juru Selamat

Misio Dei diartikan secara literer sebagai misi Allah. Kata "missio dei" berasal dari bahasa Latin, missio adalah misi atau tugas, dan dei adalah tuhan atau Allah. Sebuah bentuk yang digunakan dalam teologi Trinitarian. Misi Allah di dunia adalah maksud Allah untuk menyelamatkan dunia dalam hubungan khusus dalam Allah, Yesus dan Roh Kudus. Allah Bapa mengutus Yesus, dan keduanya (Allah dan Yesus) mengutus Roh Kudus.

Landasan dari missio dei ini terdapat pada Injil Yohanes 20:21 tentang Diri-Nya yang diutus oleh Allah, kemudian mengutus manusia untuk melanjutkan karyanya di bumi.Orang Kristen, baik pada masa lalu maupun masa kini banyak yang mengartikan bahwa misi Allah adalah memberitakan keselamatan dalam diri Yesus, yaitu dengan melakukan missionari ke seluruh dunia yang bisa dijangkaunya.

Megati sibegi pengertin kalak kerna berita simeriah : Beritana enggo nge kueteh/kualoken tapi meriahna langa....

Alkitab menunjukkan bahwa baptisan air bukanlah anugerah yang menyelamatkan atau pun syarat keselamatan (1 Korintus 1:17). Baptisan air itu penting tetapi bukanlah syarat keselamatan. Makna Baptisan air adalah: (1) Baptisan air adalah tanda (kepada) pertobatan (Matius 3:11); (2) Tanda ketataan kepada perintah Tuhan, bahwa seseorang telah lahir baru atau telah diselamatkan (Matius 28:18,19); (3) orang percaya yang telah lahir baru (atau dibaptis Roh Kudus), telah bersatu dengan Kristus dalam kematian dan kebangkitanNya, dan secara simbolik persatuan tersebut ditunjukkan melalui peristiwa baptisan air (Roma 6). (4) Baptisan air merupakan upacara (inisiasi) masuk kedalam keanggotaan tubuh Kristus yang kelihatan, disebut keanggotaan gereja lokal. (5) Baptisan air adalah kesaksian bahwa orang tersebut telah dimeteraikan dan menerima hidup baru dan mengambil bagian dalam kematian dan kebangkitan Kristus (Roma 6:3-6). (6) Baptisan juga menandakan bahwa seseorang menjadi pengikut atau murid Kristus yang sah (Matius 28:19,20).

 

 "SELAMAT DATANG mengunjungi Web GBKP KLASIS JAKARTA-BANDUNG"

Renungan

  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15

Pengunjung Online

We have 89 guests online

Login Form