Suplemen PJJ tanggal 07-13 Februari 2016, Ogen Pilipi 3:1-10

Renungan

“Penandaindu Nandangi Kristus Mpelimbarui Geluhndu”
(Pilipi 3:1-10)
 

1. I bas Perpulungen Pilipi turah  ajaren sipapak sinigelari  Yudaisme eme kalak Yahudi si enggo jadi kristen tapi tetap denga make ajaren-ajaren agama Yahudi, inti pengajaren enda  nina : keselamaten siialoken genduari lenga bo  sempurna, arah tek ngenca man Yesus Kristus. Keselamaten sisempurna eme adi ndalanken taurat, khususna sunat,

2. Kesaksin Paulus encidahken maka Penandai kerna Kristus eme simeherga ibas kegeluhenna, sabab eme simabai ia kubas kegeluhen situhu-tuhu.
(Kesaksin Paulus: aku eme keturunen Yahudi asli ibas suku Benyamin nari ras tutus ndalanken undang-undang agama eme isunat asum umur waluh wari, selaku kalak Parisi tutus ndalanken undang-undang taurat, janah “menentang” ise saja singelanggar undang-undang taurat. Erkiteken tutus kal ndalanken undang-undang taurat maka igasgasi Paulus me gereja. Bagepe ibas ndalanken undang-undang Paulus la pernah salah. Tapi enda kerina sinai iakap Paulus merupaken sada keuntungen kepeken kenca jadi kalak si tek man Yesus Kristus kerina e sada kerugin man Paulus)

3. Penandai Paulus kerna Kristus e me simengubah kegeluhenna. Paulus erpengakap erkiniteken man Kristus me maka nggeluh ibas keselamaten. Keselamaten berarti muat bagin ibas kiniseran, kematen ras kekeken Kristus.

4. Jadi Perenungen man banta seh ija nge enggo penandaita kerna Yesus e? Penandaita nandangi Kristus erbahanca kegeluhenta:

  • Ngasup kita ngalaken kegeluhen subuk sibagi ukur bagepe silabagi ukur.
  • Ngasup ngalaken pengaruhi alu ajaren-ajaren/Rayuan-rayuan sideban.
  • Ngasup nimbak peraten daging (“kupedirep e sampah”)
  • Tetap erpengarapen nandangi kekeken/kegeluhen sirasalalap.

(Tetap Fokus nandangi keselamaten)


Pondok Gede, 05 Feb 2016 / Pdt.IGM

 

Login Form